Gefum tímanum tíma

Það má segja að erfitt er að koma á laggirnar nýrri stjórnmálahreyfingu, og vonir okkar (mínar) voru, og eru enn, miklar og þá sérstaklega hvað varðar (nauðsynlegar) lýðræðisumbætur á landinu.

Stjórn hreyfingarinnar vissi ekki um þessi hvörf þeirra þingmanna okkar sem töldu sig þurfa að kjósa á móti ESB né heldur um hvörf  Birgittu hvað varðar IceSave. Stjórnin hefur átt í erfiðleikum að vinna með þinghópnum hingað til og finn ég þrjár orsakir :

1. Þinghópurinn er mjög upptekinn og vinna þeirra á þingi hefur verið strembin.
2. Þinghópurinn telur sig hafa haft undir höndum (leynilegar) upplýsingar sem sýndu þeim að ekki væri æskilegt að kjósa um aðildarviðræður. Þetta er að Þránni undanskildum, því hann taldi þær upplýsingar ekki benda til þess að ekki ætti að kjósa um aðildarviðræður við ESB.
3. Við erum ný hreyfing og eigum eftir að móta vinnuaðferðir okkar sem standa við kosningarloforðin okkar um aukið lýðræði.

Það sem skiptir mestu máli að mínu mati er :

1. Lögfest verði fagleg, gegnsæ og réttlát stjórnsýsla
2. Lýðræðisumbætur
3. Landsmenn semji sjálfir sína eigin stjórnarskrá

Þessi þrjú atriði eru tekin úr stefnuskrá hreyfingarinnar. Þegar ég lagði af stað og ákvað að vera samferða þeim sem vildu stofna nýtt stjórnmálaafl voru það þessi atriði sem ég hafði helst í huga. Ég tel reyndar einnig mjög mikilvægt að koma að sjávarútvegsstefnu og menntamálum, en tíminn á eftir að leiða í ljós hvernig/hver framtíð hreyfingarinnar verður.

Ég er ekki tilbúin til þess að taka undir þær hrakspár sem hafa verið uppi um "dauða" hreyfingarinnar. Að vera komin hingað er kraftaverk, eins og Jón Baldvin Hannibalsson benti mér á eftir kosningarnar. Að vera óssammála er gangur lífsins og besta ráðið við ágreiningi er að ræða hlutina. Þetta heitir Lýðræði.

Það er ekki ólíklegt að niðurstaðan verði sú að við séum bara sammála um það að vera ósammála og að lokum vil ég benda á að enginn hefur sagt að það "eigi" að vera átakalaust að gera breytingar.

Enginn þingmaður mætti

Að tala saman

Draumurinn minn er að við gleymum ekki fyrir hvað við í Borgarahreyfingunni stöndum fyrir.

Aukið og opnara lýðræði, opna stjórnsýslu og ósk okkar um það að þingmenn og ríkisstjórnin taki tillit til skoðana almennings, ekki bara á fjögurra ára fresti, heldur ávalt og endranær.

Þjóðin er fjölskyldan okkar og við höfum (ég í það minnsta) trúað því hingað til að við lifðum í lýðræðisríki þar sem hagur almennings er hafður í fyrirrúmi. 

Það er hægt. Sýnum það í verki ekki bara í orði. Virðum skoðanir hvors annars og reynum að hafa uppbyggilegar umræður og skoðanaskipti.

Hér eru tenglar á greinar eftir mig sem voru birtar í Smugunni síðastliðinn vetur.

Frá "Lýðræði" til Lýðræðis

Raunverulegt lýðræði er grunnstoðin fyrir bjartri og sanngjarnari framtíð okkur öllum til handa.

Nýtt Ísland

Ég trúi enn á landið mitt !

Lýðræðið grætur

Enn og aftur lýðræðið og frábær ræða Þráins í Iðnó

Strákar í stuttbuxum

Nú er endanlega búið að sanna, með því sem fram kemur í Wikileaks.org, að þeir sem áttu bankana á Íslandi voru ekki bankamenn, heldur strákar í stuttbuxum.

Þeir héldu e.t.v. að þeir væru "bara" að spila Matador, en eftir að þeim leik lýkur er bara byrjað upp á nýtt. Því miður fyrir okkur Íslendinga er það ekki svo. Nú þurfum við að fara greiða með "alvöru" peningum það sem þessir strákar eru búnir að spila með.

Glæpastrákar í stuttbuxum sem stálu peningum. Ég get ekki með nokkru móti séð þetta öðruvísi.

AGS og forsendur þeirra

Árni Páll segir það "ekki (vera) í mannlegu valdi að bæta fólki það sem gerðist í bankahruninu", en fram kemur í frétt RÚV í kvöld að það sé ein af forsendum samstarfsins við AGS, (sem sagt að ekki sé hægt að hjálpa fólkinu í landinu).

Hvað á þá að gera við þá sem fengu peninga sem þeir höfðu lagt í sjóði bankanna?

Hvers vegna var það frekar í "mannlegu valdi" að hjálpa þeim ?

Veit AGS af því, og getur einhver upplýst mig um þær upphæðir sem voru lagðar til við björgun sjóðanna ?

Þeim ætti ekki að verða kalt.....

Það er ekki nauðsynlegt að bæta neinu við það sem þegar hefur verið sagt um ábyrgð þeirra sem áttu að vera svo duglegir að til þess að þeir færu ekki til annarra landa þurfti að borga þeim ofurlaun.

Ég las viðtal við Össur Skarphéðinsson í blaðinu "Le Monde", birt rétt í þessu. Ein spurningin skýrir betur en margt annað viðhorf erlendis í okkar garð  :

Les coupables de la faillite des banques islandaises tardent à être jugés...

Je trouve aussi que les choses avancent trop lentement. Trois procureurs spéciaux ont été nommés, assistés par l'ancien procureur mondialement connu, Eva Joly. Un comité d'experts rendra un rapport en novembre. C'est long, mais il faut se rendre compte de l'ampleur de la crise que nous avons traversée. La faillite de tout un système bancaire, cela n'est arrivé nulle part ailleurs dans le monde moderne. La décrypter est extrêmement complexe.

"Einhver seinkun er á að þeir sem eru sekir um gjaldþrot bankanna á Íslandi séu dæmdir......

Mér finnst einnig að hlutirnir gangi of hægt........"

Annars mjög gott viðtal.

17 bankamenn með meira en 5 milljónir á mánuði

Loksins !

Það hlaut að koma að því að "stjórnmálamaðurinn" sæi það sem þjóðin veit. Hringur manna með stórmennskubrjálæði, sem léku sér við, með og á peninga almennings sem treysti þeim til þess að "geyma" sparnað þeirra, í hvaða formi sem er.

Þeir sem áttu peninga á sjóðum töpuðu peningum, en þó mun minna en hinn almenni lánstakandi bankanna. Sá sem tók lán í erlendri mynnt tapaði þeim peningum sem hann er ekki enn búin að vinna sér inn fyrir, því hlutfall launa sem fer í að borga af lánunum hækkar, já og bara hækkar.

Ef ríkisstjórnin gat séð til þess að sjóðseigendur fengju stóran hlut sinna peninga tilbaka, er með ólíkindum að hún skuli ekki geta séð til þess að sá sem hefur tapað óunnum launum sínum, skuli ekki fá neitt tilbaka, nei, heldur tapar hann meira með hverjum mánuðinum.

Þetta er fínt hjá þér Steingrímur, sýnum enga hræðslu, þeir eru greinilega að missa tökin á fjölmiðlunum. Sigur okkar er á næstu grösum !

Frysting eigna heimil

Þetta er verra en allt vont !

Það getur ekki verið að aðeins þessir menn hafi vitað hvað var í gangi. Það þarf að komast að því STRAX hverjir gerðu þeim kleift að lána sjálfum sér og fyrirtækjum tengdum þeim þessar háu upphæðir. Ef ríkisstjórnin gerir ekki NÝ LÖG núna til þess að hægt sé að frysta eigur þeirra allra veit ég ekki hvað skal segja um hæstráðendur á landinu okkar.

Við neitum að borga IceSave, margir hverjir vilja ekki ganga í ESB og við mótmælum hástöfum. Hvernig væri að mótmæla því hvernig OKKUR er stjórnað. Skömmin er svo mikil að ég veit ekki hvort nokkurn tíman verður hægt að bera höfuðið hátt aftur sem Íslendingur.

Finnst einhverjum, ég spyr, einhverjum, einkennilegt að AGS vilji að við skrifum undir IceSave áður en þeir ákveða að lána okkur meiri peninga. Finnst einhverjum, ég spyr, einhverjum, einkennilegt að vinir okkar og frændur vilji að við skrifum undir IceSave áður enn þeir láni okkur. Það vita landar allir núna, að möguleiki er á því að aðildarumsókn okkar að ESB, verði ekki samþykkt fyrr en búið er að skrifa undir IceSave.

Nema, nema, kannski að ráðamönnum erlendis sjái á okkur vorkunn og komist að þeirri niðurstöðu að íslenskum ALMENNINGI verði best hjálpað innan ESB. Þeir hljóta að spyrja sig HVAÐ ER AÐ, búið að stela öllu sem hægt er, hér heima sem og annars staðar, og við höldum áfram að mótmæla ESB og IceSave.

Fullorðnumst núna og förum að mótmæla sóðaskap og glæpum innanlands. Sýnum umheiminum að við séum ekki sammála glæpunum. Ég lofa ykkur að það er það sem fólk erlendis heldur; að við sláum skjalborg um glæpamennina og viljum ekki viðurkenna að eitthvað var rotið í ríki Bakkabræðra.

Skoða lánveitingar Landsbanka

Össur var frábær

Ég horfði á blaðamannafund Össurar og Carl Bildt sem hægt er að nálgast hér.

Ég fann fyrir þjóðarstolti þar sem minn utanríkisráðherra stóð fyrir svörum, hann var svaragóður og einnig fyndinn. Engin spurning kom honum á óvart og kunni hann skil á þeim öllum.

Það sem á eftir að koma úr aðildarviðræðunum verður spennandi að sjá, en eins og Össur lagði fram, þá höfum við margt upp á að bjóða og erum að hans mati Evrópsk þjóð og sem dæmi tók hann Snorra okkar heimsþekkta ritara.

Umsóknin á dagskrá á mánudag

Veruleikafirrtir stjórnmálamenn

Er það kannski það sem þetta snýst allt saman um ?

Meðan á kosningarbaráttunni stóð var ég oft undrandi vegna yfirlýsinga frambjóðenda NV kjördæmisins, (sennilega hefur þetta verið eins í öllum öðrum kjördæmum) og hugsaði (oftast í hljóði) um það hvernig hægt væri að segja bara hvað sem er. Það var sett út á það við mig hvað ég var stuttorð, ég héldi ekki fast í orðið þegar mér var gefið tækifæri á því að tjá mig og ég reyndi að bera það fyrir mig að ég segði bara það sem ég vissi, ekki það sem ég héldi eða léti mig dreyma um, ég viðurkenni að ég vissi ekki mikið um það hvernig bjarga ætti Íslandi. Mér til málsbóta má taka fram að þetta var fyrsta kosningarbaráttan sem ég tók þátt í, en vonandi ekki sú síðasta.

Ég hélt mig því aðeins tilbaka og lét hinn alkunna Gunna Sig. sjá um að tala, því eins og allir vita, þá kann hann að tjá sig. 

Eitt sinn byrjaði ég ræðu á þessum orðum : Góð kosningarbarátta, gengur ekki út á það að lofa upp í ermina á sér. Hún gengur út á það að bjóða upp á alvöru lausnir á vandamálum hvers tíma. Við þetta bætti ég svo að ef einhvern tíman hafi verið nauðsyn að segja sannleikann þá var það einmitt núna (sem sagt í síðustu kosningum).

Nú eru liðnir 3 mánuðir frá kosningum og ég er farin að skilja hvað þetta gengur út á : Segja hvað sem er, hvar sem er, það skiptir engu máli hvað, höfum þetta bara nógu spennandi og æsandi, því öllu er gleymt í allsherjar minnisleysi eftir kosningarnar.

Við sem sluppum við minnisleysið rámar samt í loforð eins og "skjaldborg", "rannsókn", "lýðræði" o.s.frv.

Mig rámar einnig í að það hafi verið talað eitthvað um "allt upp á borðið", en sennilega hef ég misskilið hvað átt var við með því. Ég hélt í einfeldni minni að það væri skylt sannleika og heiðarleika.

Mikið var ég saklaus.

Steingrímur J. og Össur Skarphéðinsson leyfa sér að segja að IceSave og ESB séu ekki tengd, að þetta sé bara ekki hægt að vera með svona upphrópanir úti í Hollandi. Það hafi aldrei verið rætt um það að við yrðum að skrifa undir IceSave til þess að fá aðildarumsókn okkar í ESB samþykkta. Og þeir virðast vera hissa á uppþotinu.

Það má vel vera að vinir okkar Bretar og Hollendingar samþykki umsókn okkar, en þeir geta líka séð til þess að henni verði hafnað. Það er þeirra að meta og vega hvernig best sé að bregðast við ef svo færi að IceSave samningurinn verði ekki samþykktur. Ekki Steingríms og Össurar.

Er einhver hissa ?

Þegar sótt er um aðild að Evrópusambandinu þarf fyrst að ganga frá milliríkjadeilum. Ég á erfitt með að skilja þennan æsing vegna blaðaskrifa í Hollandi, því hér erum við og tjáum okkur fram og aftur um Icesave, AGS og ESB. Hollendingar hljóta líka að lesa þessi ummæli okkar og það er eðlilegt að þeir séu farnir að gera sér grein fyrir því að sá möguleiki sé fyrir hendi að IceSave samningurinn verði felldur.

Þeir hafa því bent á þá augljósu staðreynd að aðildarumsókn okkar sé til einskis ef samningurinn verður ekki samþykktur, sama hvað við viljum.

Aftur á móti er líka hægt að athuga þann möguleika að fara í mál vegna þess hvernig staðið var að samningnum og benda á þann þrýsting sem hefur verið í gangi til þess að fá okkur, þjóð á hnjánum, til þess að gangast við HVAÐA SAMNING SEM ER. 

Hollendingar, Bretar, AGS og aðilar ESB hljóta líka að vera hvumsa yfir því að EKKERT hafi enn verið gert af okkar hálfu til þess að ganga beint að verki hvað varðar þá sem komu okkur í þennan vanda. Það voru EKKI Hollendingar og Bretar, heldur ekki Indverjar eða Kínverjar í Hong Kong.

Maddof er þegar kominn í fangelsi, búið er að uppljóstra um Stanford og frysta eigur hans, a.m.k. í Bretlandi, en hér ganga menn um götur og fljúga milli landa eins og ekkert hafi í skorist og við ásökum alla aðra um vandræði okkar.

Það má heldur ekki gleyma því að samningsnefnd okkar fór út í umboði Alþingis. Hvað þýðir það ? Eins og ég lít á málið þýðir það að þeir voru með fullt vald til þess að semja í nafni íslensku þjóðarinnar.

Vilja ganga lengra en Verhagen