Strákar í stuttbuxum

Nú er endanlega búið að sanna, með því sem fram kemur í Wikileaks.org, að þeir sem áttu bankana á Íslandi voru ekki bankamenn, heldur strákar í stuttbuxum.

Þeir héldu e.t.v. að þeir væru "bara" að spila Matador, en eftir að þeim leik lýkur er bara byrjað upp á nýtt. Því miður fyrir okkur Íslendinga er það ekki svo. Nú þurfum við að fara greiða með "alvöru" peningum það sem þessir strákar eru búnir að spila með.

Glæpastrákar í stuttbuxum sem stálu peningum. Ég get ekki með nokkru móti séð þetta öðruvísi.

Athugasemdir

[Jóna Kolbrún Garðarsdóttir, 5.8.2009 kl. 01:14]

Engar lagabreytingar hafa verið gerðar, þeim er örugglega frjálst að leika sama leikinn aftur.  Það er önnur saga með trúverðugleikann, hann er enginn í dag sem betur fer.  Þeir munu aldrei getað leikið sama leikinn aftur. 

[Lilja Skaftadóttir, 5.8.2009 kl. 01:32]

Og það verður okkar að sjá til þess að þeir sleppi ekki frá þessu til einhverra eyja ! Það er helst að þeir fái að vera í friði ef þeir fara til Amazon skógarins.

[Arinbjörn Kúld, 5.8.2009 kl. 11:51]

Einmitt og nú eru bretar farnir að skoða þessa fýra.

Kveðja að norðan.

[Elsa Eiríksdóttir Hjartar (IP-tala skráð) 5.8.2009 kl. 23:44]

Strákar í stuttbuxum er nú frekar saklaust ég myndi frekar segja útrásarvíkingar í jakkafötum með pappírspeninga í vasa. Og það nýjasta í fréttum er að  hver fjölskylda þarf að borga fyrir einn af þeim 680.000 með vöxtum eða nokkra tugi milljarða sem átti að vera eign í Landsbankanum en er það ekki lengur sem kemur til með að hækka Iceslave hjá þjóðinni. Og síðan en ekki síst leyfir Árni félagsmálaráðherra sér að segja í sjónvarpinu við getum ekki leiðrétt lán heimila eða fyrirtækja í landinu. Að sjálfsögðu ekki en það er hægt að afskrifa fleiri milljarða hjá hvítflibbaþjófum sem eru enn frjálsir. Ég spyr enn og aftur hvar er SKJALDBORGIN sem fólkinu í landinu var lofað frá ríkisstjórninni sem situr ENN en hversu lengi spyr íslendingur sem er ekki sama. Kær kveðja Elsa