Hvað er það þá ?

Ef það er ekki lausn IceS(l)aves skuldarinnar sem kemur í veg fyrir lán frá frændum okkar í austri, er eðlilegt að við spyrjum : hverju veldur ?

Er þetta vegna umsóknarinnar um aðild að ESB sem við neyðumst til þessa, eða er það eitthvað sem við, almenningur, fáum ekki, megum ekki vita ?

Endilega farið að koma fram við okkur eins og fullorðið fólk og segið okkur hvað er svona alvarlegt. Það erum við sem þurfum að borga og það er ykkar að segja okkur hvers vegna.

Lausn Icesave ekki forsenda

Athugasemdir

[Ína (IP-tala skráð) 9.6.2009 kl. 20:34]

Já, hvað er það sem við fáum ekki að vita? Það er á hreinu að einhverju er haldið leyndu ! Eins og vanalega er komið fram við okkur almenning með þessari vanalegu forræðishyggju, ákveðið hvað við megum og hvað ekki. Nú megum við ekki vita sannleikann. Er þetta nýja Ísland? Á að stíga ofaná þjóðina aftur? Í fyrra skiptið var það þegar tveir stjórnmálamenn ákváðu að Íslandingar ættu að styðja stríðið í Írak. Það var ljótur blettur í sögu þjóðarinnar. Og nú á að fara að taka ákvarðanir fyrir okkur án þess að segja okkur sannleikann.

Ég botna ekkert í því sem þessir Norðurlandaráðherrar eru að segja! Vildu þeir þá lána okkur sama hvað.........????

[Jóna Kolbrún Garðarsdóttir, 10.6.2009 kl. 01:21]

Ég hef miklar áhyggjur af okkur sem þjóð, í fyrradag mótmæltu 1000 en í gær aðeins 100.  Ég undrast það að fólk sé ekki brjálað á Austurvelli 24/7.  Þingið er ekki í tengslum við fólkið, mínar áhyggjur aukast dag frá degi.  Ég upplifi reiðina og vonleysið í vinnunni minni.  Ég var samt glöð að hitta Rakel Sigurgeirsdóttur og Ingu Skúladóttur í gær.  En fámennið á mótmælunum í gær var ótrúlegt. 

[Lilja Skaftadóttir, 10.6.2009 kl. 04:01]

Já ég komst því miður ekki í dag, en mun reyna að komast á morgun !