Loksins !

Það hlaut að koma að því að "stjórnmálamaðurinn" sæi það sem þjóðin veit. Hringur manna með stórmennskubrjálæði, sem léku sér við, með og á peninga almennings sem treysti þeim til þess að "geyma" sparnað þeirra, í hvaða formi sem er.

Þeir sem áttu peninga á sjóðum töpuðu peningum, en þó mun minna en hinn almenni lánstakandi bankanna. Sá sem tók lán í erlendri mynnt tapaði þeim peningum sem hann er ekki enn búin að vinna sér inn fyrir, því hlutfall launa sem fer í að borga af lánunum hækkar, já og bara hækkar.

Ef ríkisstjórnin gat séð til þess að sjóðseigendur fengju stóran hlut sinna peninga tilbaka, er með ólíkindum að hún skuli ekki geta séð til þess að sá sem hefur tapað óunnum launum sínum, skuli ekki fá neitt tilbaka, nei, heldur tapar hann meira með hverjum mánuðinum.

Þetta er fínt hjá þér Steingrímur, sýnum enga hræðslu, þeir eru greinilega að missa tökin á fjölmiðlunum. Sigur okkar er á næstu grösum !

Frysting eigna heimil

Athugasemdir

[Elsa Eiríksdóttir Hjartar (IP-tala skráð) 29.7.2009 kl. 21:21]

Spilling er eina orðið sem kemur í huga mér eftir að vera búin að lesa bloggið og fréttir undanfarið. Fólkinu var ráðlagt af bankanum sínum að það hélt að væri verið að ráðleggja með þeirra hagsmuni í huga en það eina sem bjó að baki var að græða sem mest á þeim. Þetta var eins og spilaborg sem hrundi og almenningur í landinu á að súpa seyðið af því. Ég segi NEI, við verðum að frysta eigur þeirra á meðan verið er að skoða hvað þeir voru að gera með fjármuni fólksins í landinu. Mikið er gott að sjálfur fjármálaráherra Steingrímur sé farin að sjá til lands. Vildi að hann myndi standa við stóru orðin sín sem hann sagði í kosningabaráttu sinni. Við borgum ekki Icesave, við förum ekki ESB og við sláum SKJALDBORG um heimili og fyrirtækin í landinu.  Svo mörg voru þau orð hans. Hann hefði betur þagað. Hvaða sigur er verið að tala um það er að verða ár síðan allt hrundi og ekkert skeður nema málþóf á alþingi sem skilar engu. Kær kveðja Elsa

[Lilja Skaftadóttir, 29.7.2009 kl. 22:43]

Jú, jú Elsa mín. Við erum kannski ekki sammála um allt hér að ofan, en víst er að erfitt er að horfa upp á spillingu síðustu ára og þá sérstaklega að hér virðist sem sumir telja sig ekki hafa gert neitt rangt. Allt samkvæmt lögum !

[Jens Guð, 30.7.2009 kl. 00:02]

  Sigur?  Bankaræningjarnir komast upp með þetta allt.  Sannaðu til!

[Jóna Kolbrún Garðarsdóttir, 30.7.2009 kl. 01:20]

Steinrímur sagði líka burt með AGS í kosningarbaráttunni. 

[Lilja Skaftadóttir, 30.7.2009 kl. 02:10]

Jens, ég er ekki viss um það. Þeir hljóta að fá á sig dóma, þó ekki væri nema dómur okkar, fólksins, og það getur stundum verið sá versti. En þó, ég held að við getum enn vonað.

Já Jóna, sennilega (bara mín hugsun) hefur hann komist að því að við gætum ekkert gert án hans. Ég veit það ekki, en það er ekki auðvelt fyrir okkur að hafa viðskipti erlendis og án AGS loforðs um stuðning þá væri það sennilega enn erfiðara.