Þetta er verra en allt vont !

Það getur ekki verið að aðeins þessir menn hafi vitað hvað var í gangi. Það þarf að komast að því STRAX hverjir gerðu þeim kleift að lána sjálfum sér og fyrirtækjum tengdum þeim þessar háu upphæðir. Ef ríkisstjórnin gerir ekki NÝ LÖG núna til þess að hægt sé að frysta eigur þeirra allra veit ég ekki hvað skal segja um hæstráðendur á landinu okkar.

Við neitum að borga IceSave, margir hverjir vilja ekki ganga í ESB og við mótmælum hástöfum. Hvernig væri að mótmæla því hvernig OKKUR er stjórnað. Skömmin er svo mikil að ég veit ekki hvort nokkurn tíman verður hægt að bera höfuðið hátt aftur sem Íslendingur.

Finnst einhverjum, ég spyr, einhverjum, einkennilegt að AGS vilji að við skrifum undir IceSave áður en þeir ákveða að lána okkur meiri peninga. Finnst einhverjum, ég spyr, einhverjum, einkennilegt að vinir okkar og frændur vilji að við skrifum undir IceSave áður enn þeir láni okkur. Það vita landar allir núna, að möguleiki er á því að aðildarumsókn okkar að ESB, verði ekki samþykkt fyrr en búið er að skrifa undir IceSave.

Nema, nema, kannski að ráðamönnum erlendis sjái á okkur vorkunn og komist að þeirri niðurstöðu að íslenskum ALMENNINGI verði best hjálpað innan ESB. Þeir hljóta að spyrja sig HVAÐ ER AÐ, búið að stela öllu sem hægt er, hér heima sem og annars staðar, og við höldum áfram að mótmæla ESB og IceSave.

Fullorðnumst núna og förum að mótmæla sóðaskap og glæpum innanlands. Sýnum umheiminum að við séum ekki sammála glæpunum. Ég lofa ykkur að það er það sem fólk erlendis heldur; að við sláum skjalborg um glæpamennina og viljum ekki viðurkenna að eitthvað var rotið í ríki Bakkabræðra.

Skoða lánveitingar Landsbanka

Athugasemdir

[Lilja Skaftadóttir, 27.7.2009 kl. 02:52]

Alveg sammála þér Óskar, ég ætla að vona að svo verði.

Hættum að tala, hugsa eða skrifa um annað þar til ríkisstjórnin sýni ábyrgð.

[Arinbjörn Kúld, 27.7.2009 kl. 09:31]

Við höfum nú verið að mótmæla hástöfum spillingunni hér innanlands. Hún er einfaldlega svo umfangsmikil að við ráðum ekki við að takast á við hana. Ég er farin að halda að þetta sé vonlaus barátta, svo umfangsmikil er spillingin. Eina leiðin til að uppræta spillinguna er bylting en samt er hún vafasöm því byltingin étur börnin sín segir sagan okkur. Hvað er þá til ráða? Sigrar réttlætið að lokum? Hvað ísland varðar þá efast ég stórlega um það.

Kveðja að norðan.

[Jóna Kolbrún Garðarsdóttir, 28.7.2009 kl. 00:34]

Spillingarliðið stendur saman og verndar hvort annað, forsetinn, þingmenn, ráðherrar, embættismenn, bankamenn allir standa þeir saman og reyna að þagga niður í fólkinu.