Fiskurinn okkar

Ég tel fyrningarleið Samfylkingarinnar ekki nógu róttæka. Ég sé fyrir mér að þegar í stað verði gengið í það að afturkalla kvóta hjá þeim sem ekki geta borgað þær ofurháu upphæðir sem í hann var lagður.

Látum vera, að þau fyrirtæki sem standa í skilum fái smá frest, en það er svo einkennilegt hvað fullorðið fólk látið frá sér : "Hann (Guðmundur Steingrímsson) sagði fólkið sem hefði keypt sig inn í þessa grein hafa gert (það) samkvæmt þeim leikreglum sem hefðu verið í gildi. Með því að fara þessa leið væri verið að refsa þeim sem síst skyldi og innkalla störf".

Leikreglur þær sem voru gerðar, og notaðar af núverandi eigendum, voru þær leikreglur sem voru hvað óréttlætanlegastar. Hver var að hugsa um að refsa ekki þeim sem síst skyldi, árið 1990, þegar framsalið var leyft. Þeir sem áttu eignir og höfðu byggt upp líf sitt í þeim sjávarplássum sem fáir vilja eða geta búið í í dag og þar sem verð íbúða og húsa er minni en sumarbústaðarverð nálægt höfuðborginni.

Hugsum um fjöldann sem mun njóta góðs af þegar kvótinn kemur aftur heim til sín. Ekki bara einstaklingana sem þurfa að gefa til baka það sem þeir keyptu, vitandi innst inni að það væri ekki til sölu. Ef störfin hverfa, hljóta þau að koma aftur, því fiskurinn verður veiddur.

(og 5% á 20 árum gerir ekki 100%)

Veruleikafirrtur grátkór

Athugasemdir

[Þórður Már Jónsson, 20.5.2009 kl. 19:40]

Sæl Lilja.

Ég er eitthvað ryðgaður orðinn í stærðfræðinni ef 5*20 er ekki 100. Eða er ég að misskilja þig eitthvað?

Ég vona að þið í Borgarahreyfingunni áttið ykkur á því að við í Samfylkingunni erum að reyna að koma í gegn stærsta réttlætismáli seinni tíma á Íslandi, jafnvel allra tíma. Persónulega væri ég mest til í að taka kvótann á jafn löngum tíma og hann var settur á.... En því miður þá er það bara frekar óraunhæft. En hins vegar geta alveg komið inn heimildir hraðar með öðrum hætti. Við sem viljum kvótann í hendur þjóðarinnar verðum að standa saman. Því miður er síðasta tækifæri okkar núna.

[Óskar (IP-tala skráð) 20.5.2009 kl. 20:39]

Þú hefur greinilega aldrey migið í saltan sjó, búin að vera á sjó í 13 ár og byrjaði 87, svo 101 liðið úr rvk, eiga að halda kjafti yfir því sem þeir hafa ekki vit á, fyrningar leið er dauði okkar landsbyggðarfólks takk fyrir.

[Lilja Skaftadóttir, 20.5.2009 kl. 21:09]

Sæll Þórður.

Það er rétt að við verðum að standa saman og sýna að við erum ekki hrædd við að segja okkar meiningu hvað varðar kvótann.

Ef ég tek 5% af kvótanum í dag, verða 95% að 100% á næsta ári, osfrv. Þetta getur því tekið nokkurn tíma !

[Þorsteinn H. Gunnarsson, 20.5.2009 kl. 21:59]

Þetta er náttúrlega alveg rétt sem þú segir um eignarýrnunina í sjávarbyggðunum. Og það verða áfram störf.

Ég er svolítið hissa á því hvaða stefnu Guðmundur Steingrímsson tekur. Ég hélt að hann gæti hugsað út frá tveimur sjónarmiðum af því að hann væri menntaður heimspekingur. En hann getur bara að því er virðist hugsað út  frá einu sjónarmiði og neglir sig þar með niður sem málsvara kvótaeigenda. Hvað með leiguliðana? Kusu þeir hann ekki út á samvinnuhugsjónina?