Bakkabræður

Við hverju má búast þegar ungir drengir/stúlkur (þó aðallega drengir) fá, að því er virðist, ótakmarkað fé á milli handanna. Ég er orðin rugluð af öllum þessum tölum, nöfnum á mönnum og fyrirtækjum. Ég er ekki viss hvern er verið að rannsaka eða hverjir eru ekki rannsakaðir, vegna þess að þeir eru taldir saklausir, af því þeir gerðu ekkert ólöglegt. En kannski er þetta ljósið í myrkrinu.

Gísli hringir í Eirík : 

- Sæll Eiríkur, Helga vantar 5 000 milljónir.

- Ég kaupi þá bara af honum Legokubbana á 5 000 milljónir meira en ég seldi honum.

- Já, auðvitað, þá borgar hann það sem hann skuldar síðan hann keypti þá af þér og setur afganginn í vasann.

Gísli hringir í Helga :

- Já sæll Helgi, Eiríkur kaupir bara á 5 000 milljónir meir en hann seldi þér kubbana á.

- Má það ?

- Það er löglegt, svona gerir maður viðskipti.

- Fínt, rosalega eruð þið klárir.

Spurningin er auðvitað hvort þeir séu saklausir, máttlausir, veruleikafirrtir og svona mætti lengi telja. Það sem er víst er að ég hugsa yfirleitt um þá alla sem Bakkabræður.

Tilfinningar mínar tifa á milli vorkunarsemi og reiði, og allur skalinn þar á milli.

Á meðan er venjulegt fólk að velta vöngum yfir því hvort þau eigi að borga lánin sem virðast bara hækka, tilfinning eins og þegar verið er að moka sig upp úr kviksandi (erfitt er að líkja eftir Münchausen), eða hvort betra sé að hætta að borga og stinga undan peningunum. Safna í sjóð. Einkasjóð.

Þetta er landið okkar í dag, og sumir voga sér að segja "að engin lög 'hafa' verið brotin".

Ég spyr : Hvað gerðist ?

Umboðssvik og ólögleg lán

Athugasemdir

[Jon G (IP-tala skráð) 4.6.2009 kl. 05:22]

Flott sagt! með yfirvegun og góðri veruleikatengingu.

Góð veruleikatenging er eitthvað sem virðist hafa dottið úr flestum íslendingum um árþúsundaskiptin.

Haltu áfram að segja góða hluti!!!