Blygðunarlaust fólk

Ég á afskaplega erfitt með að skilja hvernig þeir sem komu okkur í þann vanda sem við erum í í dag, skuli EKKERT skammast sín. Samkvæmt þessari frétt þá "gagnrýndu þingmenn úr Framsóknarflokki og Sjálfstæðisflokki frumvarpið og sögðu ríkisstjórnina ganga þvert á þá stefnu stjórnarinnar að ætla að hafa sem mest samráð við samtök á vinnumarkaði. Tryggvi Þór Herbertsson, Sjálfstæðisflokki, sagði reynslu annarra þjóða af stofnun sambærilegra félaga um björgunaraðgerðir vegna fyrir tækja slæma og ekki gefa tilefni til bjartsýni."

Mér er spurn : Hvernig er reynsla okkar af því þegar ríkið hættir að skipta sér af? Þegar ríkið lætur drengi í stuttbuxum hugsa fyrir sig? Þegar ríkið greiðir, að því er virðist, götur vina og vandamanna þeirra er í stjórn hennar sitja?

Hér er ég ekkert að segja um sjálft frumvarpið. Ég er að undra mig á því að fólk skuli ekki skammast sín og leyfa ríkisstjórninni að reyna að leysa úr flækjunni sem þetta fólk kom okkur í.

Skiptar skoðanir um eignaumsýslufélag

Athugasemdir

[Anna Einarsdóttir, 19.5.2009 kl. 21:26]

Nákvæmlega það sama og mér datt í hug þegar Bjarni Ben. flutti ræðuna sína á Alþingi í gær.... þessir menn kunna ekki að skammast sín.

Hafa stjórnað landinu í 18 ár og væla svo eins og kjóar yfir því að núverandi stjórn sé ekki búin að laga til eftir þá nú þegar.  Það vantar alveg í þá siðferðiskenndina.

[Jóna Kolbrún Garðarsdóttir, 20.5.2009 kl. 01:03]

Heyr, heyr.